ინტერვიუ პროექტის ავტორთან ნანუკა თევზაძესთან.
გლობალიზაციის, ტექნოლოგიური განვითარების და საერთაშორისო კომუნიკაციის გამარტივების პარალელურად, მსოფლიოს სხვადასხვა ქვეყანაში მცხოვრები ადამიანებისთვის კარიერული შესაძლებლობები მნიშვნელოვნად გაიზარდა. ამ პროცესმა განსაკუთრებით დააჩქარა შრომითი მიგრაცია და პროფესიული განვითარების ახალი გზების ძიება. თუმცა, ემიგრაციაში ცხოვრება მხოლოდ ახალი შესაძლებლობების მიღებას არ ნიშნავს — ის ხშირად ცხოვრების თავიდან დაწყებას, ადაპტაციასა და საკუთარ თავთან ახალი ურთიერთობის შექმნასაც მოითხოვს.
სწორედ ამ რეალობიდან დაიბადა პროექტი „ბიზნეს კონსულტანტი“ — საგანმანათლებლო ინიციატივა, რომელიც შექმნილია ამერიკაში მცხოვრები ქართველი ემიგრანტებისთვის და მიზნად ისახავს მათ პროფესიულ, პიროვნულ და ბიზნეს განვითარებას. პროექტი წარმოადგენს Georgian Space-ისა და Alterbridge University-ის ერთობლივ თანამშრომლობას.
Q: ნანუკა, როგორ გაჩნდა პროექტ „ბიზნეს კონსულტანტის“ შექმნის იდეა?
პროექტის იდეა რეალური საჭიროებიდან დაიბადა. ამერიკაში მცხოვრებ ქართველ ემიგრანტებთან ყოველდღიური კომუნიკაციის პროცესში მუდმივად ვისმენდით ერთსა და იმავე კითხვებს — როგორ დავიწყოთ კარიერა თავიდან? როგორ გადავიდეთ პროფესიული განვითარების ახალ ეტაპზე? როგორ ვაქციოთ ჩვენი გამოცდილება ამერიკულ რეალობაში შესაძლებლობად?
ბევრ ადამიანს აქვს განათლება, გამოცდილება, პროფესიული უნარები, თუმცა ახალ გარემოში ხშირად აკლიათ სისტემური მხარდაჭერა, პრაქტიკული ცოდნა და სწორი მიმართულება. სწორედ ამან გვაფიქრებინა, რომ საჭირო იყო სივრცის შექმნა, რომელიც მხოლოდ თეორიაზე არ იქნებოდა დაფუძნებული და რეალურ შედეგებზე იქნებოდა ორიენტირებული.
Q: რას წარმოადგენს თავად პროექტი?
„ბიზნეს კონსულტანტი“ არის საგანმანათლებლო და განვითარების პროექტი, რომელიც შეიქმნა Georgian Space-ისა და Alterbridge University-ის თანამშრომლობით.
პროექტის მთავარი მიზანია, ამერიკაში მცხოვრებ ქართველ ემიგრანტებს მივცეთ პრაქტიკული ცოდნა, თანამედროვე ინსტრუმენტები და პროფესიული მხარდაჭერა, რათა მათ შეძლონ კარიერული განვითარება, საკუთარი ბიზნესის შექმნა ან პროფესიული ტრანსფორმაცია.
ეს არ არის მხოლოდ სასწავლო კურსი — ეს არის სივრცე, სადაც ადამიანები საკუთარ შესაძლებლობებს თავიდან აღმოაჩენენ.
Q: რატომ არის მსგავსი პროექტები დღეს განსაკუთრებით მნიშვნელოვანი ემიგრანტებისთვის?
ემიგრაციაში ცხოვრება ხშირად დაკავშირებულია დიდი ფსიქოლოგიური და პროფესიული ტრანსფორმაციის პროცესთან. ადამიანი ტოვებს საკუთარ ქვეყანას, გამოცდილ გარემოს და იწყებს ყველაფერს თავიდან.
ბევრი ემიგრანტი გარკვეული დროის შემდეგ ფიქრობს — „რა არის შემდეგი ნაბიჯი?“
ზუსტად ამ ეტაპზე ხდება მნიშვნელოვანი სწორი გარემო, განათლება, networking და მხარდაჭერა.
ჩვენი მიზანია, ადამიანებმა დაინახონ, რომ ემიგრაცია არ ნიშნავს მხოლოდ გადარჩენას — ის შეიძლება გახდეს განვითარების, ახალი შესაძლებლობებისა და თვითრეალიზაციის ეტაპიც.
Q: რას მოიცავს პროგრამა პრაქტიკულად?
პროგრამა მოიცავს პიროვნულ განვითარებას, კარიერულ შესაძლებლობებს, ბიზნესის მოდელირებას, მარკეტინგს, გაყიდვებსა და თანამედროვე ტექნოლოგიებს, მათ შორის ხელოვნურ ინტელექტს (AI).
ძალიან მნიშვნელოვანი იყო ჩვენთვის, რომ პროგრამა მაქსიმალურად პრაქტიკული ყოფილიყო და მონაწილეებს რეალურ ამერიკულ ბაზარზე ორიენტირებული ცოდნა მიეღოთ.
დღეს უკვე შეუძლებელია ბიზნესისა და პროფესიული განვითარების განხილვა თანამედროვე ტექნოლოგიებისა და AI-ის გარეშე, ამიტომ ეს მიმართულებაც ერთ-ერთ მთავარ კომპონენტად დავამატეთ.
Q: რა არის Georgian Space-ის მთავარი მისია?
Georgian Space-ის მთავარი მიზანია ადამიანების დაკავშირება, განვითარების შესაძლებლობების შექმნა და ისეთი სივრცის ფორმირება, სადაც ქართველ ემიგრანტებს ექნებათ მხარდაჭერა, პროფესიული networking და ახალი იდეების რეალიზების შესაძლებლობა.
ჩვენ ვცდილობთ შევქმნათ GeSpace Community, სადაც ადამიანები ერთმანეთს გამოცდილებას უზიარებენ, ერთმანეთს აძლიერებენ და ერთად ქმნიან ახალ შესაძლებლობებს.
Q: რას ეტყოდით ადამიანებს, რომლებიც ფიქრობენ პროექტში ჩართვაზე?
ვეტყოდი, რომ განვითარებისთვის არასდროს არის გვიან.
ხშირად ყველაზე რთული პირველი ნაბიჯის გადადგმაა.
თუ ადამიანს აქვს სურვილი განვითარდეს, შეიცვალოს პროფესიული მიმართულება, დაიწყოს საკუთარი საქმე ან უბრალოდ მეტი შესაძლებლობა შექმნას საკუთარი თავისთვის — ეს პროექტი სწორედ ამისთვის შეიქმნა.
მჯერა, რომ სწორი გარემო, განათლება და მხარდაჭერა ადამიანს სრულიად ახალ რეალობამდე მიჰყავს.
Q: რა ენაზე წარიმართება პროგრამა რა ფორმატით იქნება სწავლება?
როდესაც ხედავ, რომ ადამიანებს უჩნდებათ მოტივაცია, თავდაჯერება და განვითარების სურვილი — სწორედ იქ იწყება ყველაზე მნიშვნელოვანი ცვლილება.
პროგრამა ძირითადად ჩატარდება ქართულ ენაზე, თუმცა მონაწილეებს ეტაპობრივად ექნებათ წვდომა ინგლისურენოვან პროფესიულ ტერმინოლოგიასა და ამერიკულ ბიზნეს გარემოსთან დაკავშირებულ პრაქტიკულ მასალებზე. ჩვენი მიზანია, ადამიანებმა ცოდნა კომფორტულად მიიღონ, მაგრამ ამავდროულად უკეთ მოერგონ ამერიკულ პროფესიულ სივრცეს.
რაც შეეხება ფორმატს — პროგრამა იქნება ონლაინ, რაც განსაკუთრებით მნიშვნელოვანია სხვადასხვა შტატში მცხოვრები ქართველებისთვის. მონაწილეები შეძლებენ Zoom პლატფორმის საშუალებით ჩაერთონ სასწავლო პროცესში ნებისმიერი ადგილიდან.
ამასთანავე, პროგრამა არ შემოიფარგლება მხოლოდ ლექციებით — დაგეგმილია პრაქტიკული სამუშაოები, ინტერაქციული შეხვედრები, networking სივრცეები, ინდივიდუალური მხარდაჭერა და რეალურ ქეისებზე დაფუძნებული მუშაობა.
ჩვენთვის მნიშვნელოვანია, რომ მონაწილემ არა მხოლოდ ინფორმაცია მიიღოს, არამედ შეძლოს მისი პრაქტიკაში გამოყენება და რეალური შედეგების მიღწევა.
Q: რა ხანგრძლივობისაა პროგრამა?
პირველი პროგრამა, რომლითაც ვიწყებთ — US Small Business & Career Development Program — გათვლილია 6 თვეზე და აერთიანებს როგორც თეორიულ, ასევე პრაქტიკულ სასწავლო პროცესს. ჩვენი მიზანია, მონაწილეებმა ეტაპობრივად და სისტემურად მიიღონ ცოდნა, რომელიც რეალურად დაეხმარებათ პროფესიულ და ბიზნეს განვითარებაში ამერიკაში.
პროგრამა დაყოფილია რამდენიმე ძირითად მოდულად, რაც მონაწილეებს საშუალებას აძლევს, პარალელურად იმუშაონ როგორც პიროვნულ განვითარებაზე, ისე საკუთარი ბიზნეს იდეებისა და კარიერული მიზნების ჩამოყალიბებაზე.
ჩვენთვის მნიშვნელოვანი იყო ისეთი ფორმატის შექმნა, რომელიც იქნება ინტენსიური, მაგრამ ამავდროულად ადაპტირებული ემიგრანტების ცხოვრების რიტმზე და სამუშაო გრაფიკზე.
Q: ექნებათ თუ არა მონაწილეებს შესაძლებლობა, პროგრამის ფარგლებში იმუშაონ საკუთარ ბიზნეს კონცეფციებსა და განვითარების გეგმებზე?
რა თქმა უნდა. ეს პროგრამის ერთ-ერთი ყველაზე მნიშვნელოვანი ნაწილია. ჩვენი მიზანი მხოლოდ თეორიული ცოდნის გაზიარება არ არის — ჩვენთვის მნიშვნელოვანია, თითოეულმა მონაწილემ პროგრამა საკუთარ პროფესიულ და პიროვნულ მიზნებს მოარგოს.
სასწავლო პროცესში მონაწილეებს ექნებათ შესაძლებლობა, იმუშაონ საკუთარ ბიზნეს იდეებზე, კარიერულ ხედვებსა და განვითარების გეგმებზე. პროგრამა დაეხმარებათ სწორად შეაფასონ საკუთარი გამოცდილება, უნარები და პოტენციალი ამერიკულ ბაზარზე.
ბევრ ემიგრანტს უკვე აქვს გამოცდილება, პროფესია ან იდეა, თუმცა ხშირად არ იცის, როგორ გადააქციოს ეს რეალურ შესაძლებლობად. სწორედ ამიტომ პროგრამა ორიენტირებულია პრაქტიკულ მხარდაჭერაზე, ინდივიდუალურ ხედვებზე და რეალურ შედეგებზე.
ჩვენ გვინდა, თითოეულმა მონაწილემ პროგრამის დასრულების შემდეგ უფრო მკაფიოდ დაინახოს საკუთარი მიმართულება, შესაძლებლობები და სამომავლო განვითარების გზა.
Q: აუცილებელია თუ არა ბიზნეს გამოცდილება პროგრამაში ჩასართავად?
არა, პროგრამაში ჩასართავად ბიზნეს გამოცდილება აუცილებელი არ არის.
პროგრამა შექმნილია როგორც იმ ადამიანებისთვის, ვისაც უკვე აქვს პროფესიული ან ბიზნეს გამოცდილება, ასევე მათთვის, ვინც ახლა იწყებს საკუთარი შესაძლებლობების აღმოჩენას და ახალი მიმართულებების ძიებას ამერიკაში.
ჩვენთვის მნიშვნელოვანია მოტივაცია, განვითარების სურვილი და მზადყოფნა ახალი ცოდნის მისაღებად.
ბევრ ემიგრანტს აქვს ძლიერი პროფესიული გამოცდილება სხვადასხვა სფეროში, თუმცა ხშირად არ იცის, როგორ გამოიყენოს ეს გამოცდილება ამერიკულ რეალობაში. სწორედ ამიტომ პროგრამა მონაწილეებს ეტაპობრივად ეხმარება საკუთარი უნარების, ინტერესებისა და იდეების სწორად დანახვასა და განვითარებაში.
პროგრამა აგებულია ისე, რომ თითოეულმა მონაწილემ, საკუთარი საწყისი გამოცდილების მიუხედავად, შეძლოს პრაქტიკული ცოდნის მიღება და პროფესიული ზრდის ახალი შესაძლებლობების აღმოჩენა.
Q: რა ტიპის პროფესიებისა და გამოცდილების მქონე ადამიანებისთვის არის პროგრამა საინტერესო?
პროგრამა საინტერესოა ძალიან ფართო პროფესიული გამოცდილების მქონე ადამიანებისთვის, რადგან მისი მთავარი მიზანია დაეხმაროს ემიგრანტებს საკუთარი გამოცდილების, უნარებისა და იდეების ახალ შესაძლებლობებად გარდაქმნაში ამერიკაში.
პროგრამაში მონაწილეობა შეუძლიათ როგორც უკვე მოქმედ პროფესიონალებს, ასევე ადამიანებს, რომლებიც კარიერულ ცვლილებაზე ფიქრობენ ან საკუთარი ბიზნესის დაწყება სურთ.
ეს შეიძლება იყვნენ:
- მცირე ბიზნესის წარმომადგენლები
- ფინანსური, მარკეტინგის და გაყიდვების სფეროს პროფესიონალები
- მედიცინის, განათლების, სერვისისა და hospitality ინდუსტრიის წარმომადგენლები
- შემოქმედებითი სფეროს ადამიანები
- freelancers და self-employed პროფესიონალები
- ადამიანები, რომლებსაც აქვთ გამოცდილება, მაგრამ ამერიკულ ბაზარზე ახალი მიმართულების პოვნა სურთ
ასევე პროგრამა საინტერესო იქნება მათთვისაც, ვისაც კონკრეტული ბიზნეს იდეა უკვე აქვს და სურს, ის რეალურ და სტრუქტურირებულ პროექტად აქციოს.
ჩვენ გვჯერა, რომ თანამედროვე სამყაროში პროფესიული განვითარება მხოლოდ ერთ სფეროზე აღარ არის დამოკიდებული — ხშირად ყველაზე საინტერესო შესაძლებლობები სხვადასხვა გამოცდილებისა და უნარების გაერთიანებიდან იბადება.
Q: შესაძლებელია თუ არა მოდულების ცალკე გავლა?
დიახ, პროგრამა მონაწილეებს აძლევს შესაძლებლობას, სურვილისა და ინტერესების მიხედვით ცალკეული მოდულებიც გაიარონ.
ჩვენ გვესმის, რომ ემიგრანტების ყოველდღიური ცხოვრება ხშირად დაკავშირებულია დატვირთულ სამუშაო გრაფიკთან და სხვადასხვა პროფესიულ პასუხისმგებლობასთან, ამიტომ პროგრამა მაქსიმალურად მოქნილ ფორმატზეა დაფუძნებული.
თუმცა, სრული პროგრამის გავლა მონაწილეებს უფრო სისტემურ ცოდნას, პრაქტიკულ გამოცდილებასა და ერთმანეთთან დაკავშირებული მიმართულებების სრულ სურათს აძლევს, რაც საბოლოოდ ბევრად ეფექტურ შედეგამდე მიჰყავს.
ამავდროულად, თუ ადამიანს კონკრეტულად აინტერესებს, მაგალითად, ბიზნესის მოდელირება, მარკეტინგი ან AI-ის გამოყენება ბიზნესში, მას ექნება შესაძლებლობა, ინდივიდუალურად ჩაერთოს სასურველ მოდულში.
Q: პროგრამა ფასიანია თუ დაფინანსებული?
პროექტის ერთ-ერთი მთავარი ღირებულება სწორედ მისი სოციალური პასუხისმგებლობაა.
პირველი ნაკადის პირველი მოდული — პიროვნული განვითარება და კარიერული შესაძლებლობები ამერიკაში, რომელიც 2026 წლის 30 მაისს იწყება — სრულად დაფინანსებულია Alterbridge University-ის მიერ, რაც მონაწილეებს საშუალებას აძლევს, პროგრამაში ფინანსური ბარიერების გარეშე ჩაერთონ და მიიღონ ცოდნა, რომელიც შესაძლოა მათთვის პროფესიული განვითარების ახალი ეტაპის დასაწყისი გახდეს.
რაც შეეხება დანარჩენ მოდულებს — დიახ, ისინი ფასიანია, თუმცა პროგრამის საფასურის 60%-მდე ნაწილი დაფინანსებულია Alterbridge University-ის მიერ.
ამ ეტაპზე პროგრამის ღირებულება დამოკიდებულია მონაწილის მიერ შერჩეულ მოდულებზე. მონაწილეებს ექნებათ შესაძლებლობა, საკუთარი ინტერესებისა და მიზნების მიხედვით აირჩიონ როგორც სრული პროგრამა, ისე ცალკეული მოდულები.
Q: ვინ იქნებიან პროგრამის ლექტორები და მოწვეული სპიკერები?
პროგრამას წარუძღვებიან როგორც ამერიკაში, ისე საქართველოში მოღვაწე პროფესიონალები, პრაქტიკოსები და სხვადასხვა სფეროს მოწვეული ექსპერტები, რომლებსაც აქვთ რეალური გამოცდილება ბიზნესის, განათლების, მარკეტინგის, კარიერული განვითარების, ფინანსებისა და თანამედროვე ტექნოლოგიების მიმართულებით.
პროექტი ხორციელდება Georgian Space-ისა და Alterbridge University-ის თანამშრომლობით, შესაბამისად პროგრამაში ჩართული იქნებიან როგორც აკადემიური სფეროს წარმომადგენლები, ასევე ადამიანები, რომლებიც უშუალოდ ამერიკულ ბაზარზე მუშაობენ და მონაწილეებს გაუზიარებენ პრაქტიკულ გამოცდილებას.
ჩვენთვის განსაკუთრებით მნიშვნელოვანია, რომ სწავლება იყოს არა მხოლოდ თეორიული, არამედ რეალურ ქეისებზე, თანამედროვე მიდგომებსა და პრაქტიკულ გამოცდილებაზე დაფუძნებული. სწორედ ამიტომ პროგრამა აერთიანებს სხვადასხვა პროფესიულ მიმართულებასა და მრავალფეროვან ექსპერტიზას.
Q: და ბოლოს, რას ნიშნავს თქვენთვის ეს პროექტი პირადად?
ჩემთვის ეს პროექტი მხოლოდ პროფესიული ინიციატივა არ არის.
ეს არის ადამიანების ისტორიები, ემიგრაციის გამოცდილება, იმედები და სურვილი, რომ ერთმანეთის მხარდაჭერით შევქმნათ უკეთესი შესაძლებლობები.
