ინტერვიუ “Salon-Style Gatherings NYC •სალონური შეხვედრების” ოფიციალურ სპონსორთან – „Georgian Vintage”-ის დამფუძნებელ პაკო ბათიაშვილთან, რომელიც გახლავთ “დუგლაძეების ღვინის კომპანიის” ღვინისა და სპირტიანი სასმელების ოფიციალური დისტრიბუტორი ამერიკაში.
Q: გვიამბეთ, რა არის „Georgian Vintage”– როგორ დაიწყო კომპანიის ისტორია და რა არის მისი მთავარი მისია ამერიკულ ბაზარზე?
„Georgian Vintage”– შეიქმნა ერთი ძალიან კონკრეტული ოცნებით — ამერიკულ ბაზარზე ქართული ღვინის ღირსეულად და ხარისხიანად შეტანის სურვილით. ვიცოდით, რომ ქართულ ღვინოს უზარმაზარი ისტორია და პოტენციალი აქვს, მაგრამ იგი საჭიროებდა სწორად პოზიციონირებას, სწორი პარტნიორების შერჩევას და ხარისხზე მკაცრ კონტროლს. ჩვენი მისიაა:
- საქართველოს და ქართული ღვინის კულტურის პოპულარიზაცია;
- დუგლაძეების ღვინის კომპანიის” პროდუქციის პრემიუმ ხაზის სწორად წარმოჩენა;
- და ქართულ პროდუქტზე მაღალი ნდობის შექმნა ამერიკაში.
Q: როგორ დაიწყო თქვენი თანამშრომლობა “დუგლაძეების ღვინის” კომპანიასთან?
დუგლაძეების ღვინის კომპანიის longstanding, ხარისხიანი და საერთაშორისო ჯილდოების მქონე ბრენდია. ჩვენი პარტნიორობა ბუნებრივად ჩამოყალიბდა — მეგობრული ნდობა, საერთო ხედვა, პროფესიონალიზმის ერთიანი სტანდარტი და სურვილი, რომ ქართულმა ღვინომ საერთაშორისო კონკურენციას გაუწიოს.
Q: რატომ მიიჩნევთ, რომ ქართული ღვინო განსაკუთრებულია?
საქართველო ღვინის სამშობლოა. 8000 წლოვანი ტრადიცია, ქვევრის უნიკალური მეთოდი, ჯიშების მრავალფეროვნება — ეს ყველაფერი ქმნის ისეთ პროფილს, რომლის დამთხვევაც მსოფლიოში რთულია. ამერიკელებისთვის განსაკუთრებით საინტერესოა:
- ქართული ისტორიით მოტივირებული პროდუქტი;
- ბუნებრივობა,
- და შეუდარებელი არომატიკა.
Q: რა იყო ყველაზე დიდი გამოწვევა, როდესაც ქართულ ღვინოს ამერიკულ ბაზარზე შემოგყავდათ?
ყველაზე დიდი გამოწვევა ცნობადობა იყო. ქართულ ღვინოს აქ ყოველთვის ჰქონდა თავისი პატარა ნიშა, თუმცა არ იყო მაღალი ხარისხის, სტაბილურად მიწოდებული და სწორად კომუნიცირებული პროდუქტი. მეორე გამოწვევა — მაღალი კონკურენცია: ევროპული და ამერიკული ღვინის გიგანტები ამ ბაზარზე უკვე ათწლეულებია მოღვაწეობენ.
Q: როგორ განსხვავდება ამერიკელი მომხმარებელი ქართველისგან?
ქართველები ღვინოს კულტურულ-სოციალური ნაწილის გამო ირჩევენ, ამერიკელები — არომატის, სტილისა და ჯიშის მიხედვით. მათთვის მნიშვნელოვანია ღვინის ისტორია, ხარისხის გარანტია, food pairing (თანხვედრა კერძებთან). ამიტომ, ჩვენი კომუნიკაციაც ამის გარშემო ვითარდება.
Q: რომელი დუგლაძეების ღვინის კომპანიის ღვინოებია ყველაზე პოპულარული ამერიკაში?
ქინძმარაული და საფერავი ყველაზე მოთხოვნადია წითელ ღვინოებში. თეთრებიდან — რქაწითელი და ქარვისფერიდან ქისის ქვევრის ღვინო. ამერიკელებს ძალიან მოსწონთ სტილი, რომელსაც „ხასიათიანს“ ეძახიან — მდიდარი, სურნელოვანი, მაგრამ ჰარმონიული.
Q: რა გამოარჩევს კომპანია დუგლაძეების ღვინოს სხვა ბრენდებს შორის?
სტაბილური ხარისხი — ეს არის ნომერ პირველი, შემდეგ — ტექნოლოგიისა და ტრადიციის სინთეზი. დუგლაძეების ღვინოები ძლიერი პროფესიონალი ტექნოლოგების გუნდის მხარდაჭერით მზადდება, რომლებიც თითოეულ დეტალს აკონტროლებენ. ასევე — შეფუთვა, დიზაინი, ბრენდის იდენტობა მაღალი საერთაშორისო სტანდარტებისაა. ერთ-ერთი ყველაზე დიდი ექსპორტიორი 25-ზე მეტ ქვეყანაში და საქართველოში, ღვინის ინდუსტრიაში, ასევე გამორჩეულად მსხვილი გადამხდელი.
Q: რა სტრატეგიას იყენებთ ქართული ღვინის პოპულარიზაციისთვის?
Wine tasting-ები საქართველოში და ამერიკაში; Masterclass-ები რესტორნებში; მონაწილეობა ძვირფას გამოფენებსა და ფესტივალებში; თანამშრომლობა ქართული დიასპორის ორგანიზაციებთან და ძლიერი სოციალური მედიის კამპანიები.
Q: როგორ მიიღეთ გადაწყვეტილება, რომ გახდებოდით “Salon-Style Gatherings NYC •სალონური შეხვედრების”-ის პარტნიორი?
ეს ფორმატი სამივე მნიშვნელოვან ღირებულებას აერთიანებს: ურთიერთობა – გამოცდილების გაზიარება – ქართული და ამერიკული community-ს გაერთიანება. ჩვენთვის ეს იდეალური პლატფორმაა, სადაც ქართული ღვინო არა უბრალოდ სასმელი, არამედ ისტორია, ემოცია და გამოცდილებაა. “Salon-Style Gatherings NYC •სალონური შეხვედრები” ქმნის ინტელექტუალურ სივრცეს — სწორედ იქ, სადაც ქართული ღვინო უნდა იყოს.
Q: როგორი არის ღონისძიებებზე სტუმრების რეაქცია თქვენს ღვინოზე?
საოცრად დადებითი. მონაწილეები ხშირად ამბობენ, რომ პირველად დააგემოვნეს ასეთი ნამდვილი, ქართული ხასიათის ღვინო. ძალიან გვიხარია, რომ სტუმრები ინტერესდებიან არა მხოლოდ გემოთი, არამედ ღვინის წვრილმანებით: ჯიშები, გამოხდის ტექნიკა, რეგიონები.
Q: რა გეგმები გაქვთ ამ პარტნიორობის გასაგრძელებლად?
ერთად ვგეგმავთ თემატურ ღვინის საღამოებს, სპეციალურ tasting-ებს სტუმრებისთვის, ახალი ხაზების პრეზენტაციებს და უფრო ვრცელ მასპინძლურ ფორმატებს.
მიგვაჩნია, რომ “Salon-Style Gatherings NYC •სალონური შეხვედრები” სერიოზული კულტურული პლატფორმაა და გვსურს ამ თანამშრომლობას გრძელვადიანი სახე მივცეთ.
Q: როგორია თქვენი გრძელვადიანი გეგმები ამერიკაში?
ჩვენი მიზანია გავაფართოვოთ დისტრიბუცია უმაღლესი დონის რესტორნებსა და ბარებში, შევიდეთ premium retail ქსელებში, დავნერგოთ ქართული ღვინის საგანმანათლებლო პროგრამები და ქართველ და ამერიკელ მომხმარებელს შევთავაზოთ მეტი ახალი პროდუქტი დუგლაძების კომპანიისგან. საქართველო ღვინის ქვეყნაა და ჩვენი სურვილია, ეს ბრენდი ამერიკაში ძალიან მაღალ დონეზე დავაინსტიტუციონიროთ.
Q: თქვენი ფავორიტი დუგლაძების ღვინო რომელი არის?
ქვევრის ქისი, რქაწითელი და საფერავი — ძალიან ქართული, ძალიან ემოციური და დაუვიწყარი სტილური პროფილით.
Q: რა გზავნილს მისცემდით “Salon-Style Gatherings NYC •სალონური შეხვედრები”-ის სტუმრებს?
მადლობა, რომ მხარს უჭერთ ქართულ ღვინოს, ქართულ კულტურას და ასეთ მნიშვნელოვნად გზავნით ჩვენს ქვეყანას ამერიკულ საზოგადოებაში.
ჩვენ კი მუდამ თქვენს გვერდით ვიქნებით — რათა ყოველი შეხვედრა განსაკუთრებული გახდეს.
