ინტერვიუ “Salon-Style Gatherings NYC •სალონური შეხვედრების” რიგით მესამე შეხვედრის სპიკერთან, ნიუ იორკში მოღვაწე, Aesthetic Services A.S.-ის Nurse Practitioner სოფია ახვლედიანთან.
Q: როგორ დაიწყო თქვენი გზა მედიცინაში და რატომ აირჩიეთ ესთეტიკური მიმართულება?
მედიცინა ჩემთვის ყოველთვის ადამიანებზე ზრუნვას უკავშირდებოდა. ესთეტიკური მედიცინა ავირჩიე იმიტომ, რომ აქ შესაძლებელია პროფესიული ცოდნის გამოყენება ისე, რომ ადამიანს არა მხოლოდ ვიზუალურად, არამედ ემოციურადაც დაეხმარო — თავდაჯერებულობა და თვითშეფასება მნიშვნელოვნად იზრდება.
Q: რა იყო გადამწყვეტი მომენტი, როცა გადაწყვიტეთ ესთეტიკური მედიცინის Nurse Practitioner-ის კარიერა?
მივხვდი, რომ მსურდა მეტი დამოუკიდებლობა, მეტი პასუხისმგებლობა და შესაძლებლობა თავად მიმეღო გადაწყვეტილებები პაციენტის საუკეთესო ინტერესებიდან გამომდინარე.
Q: რა უნარები იყო ყველაზე მნიშვნელოვანი თქვენი პროფესიული ზრდისთვის?
დისციპლინა, მუდმივი სწავლა, კომუნიკაციის უნარი და ადამიანების მოსმენა. ტექნიკური ცოდნა აუცილებელია, მაგრამ ემპათია და ნდობა – გადამწყვეტი.
Q: როგორ ეუფლებით ესთეტიკური მედიცინის სფეროში დამკვიდრებულ ტენდენციებს და რა გზებით ნერგავთ მათ პრაქტიკაში?
ვარ ამერიკისა და ევროპის წამყვანი ესთეტიკური მედიცინის ასოციაციებისა და აკადემიების საპატიო წევრი ეს სტატუსი მაძლევს საშუალებას ვიყო მუდმივ პროფესიულ განვითარებაში, მონაწილეობა მივიღო საერთაშორისო კონგრესებსა და ტრეინინგებში და ვიყო ინფორმირებული უახლესი მიღწევების შესახებ, ვაგრძელებ უწყვეტ პროფესიულ განვითარებას, ვესწრები სხვადასხვა შეხვედრებს, ვისმენ და ვეცნობი სიახლეებს, კვლევებს და პროგნოზებს. ყოველი ახალი ტექნიკა, პროდუქტი და მიდგომა რომელსაც მე ვსწავლობ და ვიკვლევ, კიდევ ერთი ნაბიჯია იმისკენ, რომ ჩემს პაციენტებს შევთავაზო უმაღლესი სტანდარტის მომსახურება, ამიტომ ვცდილობ ამასთან დაკავშირებით ვიყო მაქსიმალურად ინფორმირებული.
Q: როგორ შეიცვალა ესთეტიკური მედიცინა ბოლო წლებში?
ფოკუსი გადავიდა გადაჭარბებული ცვლილებებიდან ბუნებრივ, ჰარმონიულ შედეგებზე. დღეს მთავარი ტრენდია ინდივიდუალური მიდგომა და პაციენტის უნიკალურობის შენარჩუნება.
Q: როგორია თქვენი ფილოსოფია ბუნებრივ შედეგებთან დაკავშირებით?
ჩემი მიზანია, ადამიანი დარჩეს საკუთარ თავად — უბრალოდ უფრო განახლებული და თავდაჯერებული ვერსია.
Q: რა სირთულეებს აწყდება სპეციალისტი კარიერის დაწყებისას?
დაუცველობა, გამოცდილების ნაკლებობა და კონკურენცია. მაგრამ სწორ მენტორობასა და მოთმინებას შეუძლია ამ სირთულეების გადალახვა.
Q: როგორ მოახერხეთ პროფესიისა და ბიზნესის ერთმანეთთან შერწყმა?
მივხვდი, რომ კარგი სპეციალისტობა საკმარისი არ არის — აუცილებელია ბიზნესის აზროვნება, სწორი ფასების სტრატეგია და მომხმარებელთან გრძელვადიანი ურთიერთობა.
Q: რა შეცდომებს უშვებენ ხშირად დამწყებები?
საკუთარი შრომის დაუფასებლობას და ფასების არასათანადოდ განსაზღვრას. ასევე, საკუთარი ბრენდის უგულებელყოფას.
Q: რამდენად მნიშვნელოვანია პირადი ბრენდი ამ სფეროში?
ეს კრიტიკულად მნიშვნელოვანია. ადამიანები პირველ რიგში ენდობიან ადამიანს და შემდეგ სერვისს.
Q: რას ურჩევდით მათ, ვინც ახლა იწყებს გზას?
არ შეადაროთ თავი სხვებს. ისწავლეთ, იმუშავეთ საკუთარ თავზე და იყავით თანმიმდევრულები.
Q: რა განათლება და სერტიფიკაციაა აუცილებელი?
საერთაშორისო ტრენინგები, ლიცენზირება და მუდმივი განათლება — ეს სფერო მუდმივად ვითარდება.
Q: რა გამოწვევებია ქალებისთვის სამედიცინო ბიზნესში?
ბალანსის დაცვა კარიერასა და პირად ცხოვრებას შორის, მაგრამ ქალებს გვაქვს საოცარი უნარი – ერთდროულად ვიყოთ პროფესიონალიც და ლიდერიც.
Q: რა გაძლევთ ყველაზე დიდ მოტივაციას?
პაციენტების კმაყოფილება და იმის ცოდნა, რომ მათ ცხოვრებაში პოზიტიური ცვლილება შევიტანე.
Q: რას ნიშნავს თქვენთვის წარმატება?
წარმატება არის შინაგანი სიმშვიდე, პროფესიული ზრდა და იმ საქმის კეთება, რაც გიყვარს.
Q: როგორ არის წარმოდგენილი AI ესთეტიკური მედიცინის სფეროში?
ისეთი ტექნოლოგიური ინოვაციების დახმარებით, როგორიცაა ხელოვნური ინტელექტი (AI), ესთეტიკურ მედიცინაში უკვე საპატიო ადგილს იკავებს, პროგნოზით და დღევანდელი მიმართულებებით AI-მ მოსალოდნელია მნიშვნელოვნად გარდაქმნას ეს სფერო, ის გააუმჯობესებს როგორც მკურნალობის შედეგებს, ასევე პაციენტის მოვლას. ინიექციების მომავალი უფრო მოწინავე, ზუსტი და პერსონალიზირებული გახდება.
Q: როგორ შეაფასებდით პროექტს “Salon-Style Gatherings NYC •სალონური შეხვედრები”?
პროექტი “Salon-Style Gatherings NYC • სალონური შეხვედრები” არის ძალიან ღირებული და კარგად გააზრებული ინიციატივა, რომელიც აერთიანებს პროფესიონალებს უსაფრთხო, ელეგანტურ და შთამაგონებელ გარემოში. ეს არ არის უბრალოდ შეხვედრა — ეს არის სივრცე იდეების გაზიარებისთვის, ურთიერთობის გასაძლიერებლად და რეალური გამოცდილების მისაღებად.
Q: რატომ არის მნიშვნელოვანი მსგავსი სალონური შეხვედრები?
პროექტის მთავარი სიძლიერეა მისი ფორმატი: ინტიმური, მაგრამ შინაარსობრივად ძლიერი, რაც მონაწილეებს აძლევს შესაძლებლობას არა მხოლოდ მოუსმინონ სპიკერს, არამედ ჩაერთონ დიალოგში და შექმნან პროფესიული კავშირები. Style Gatherings NYC • სალონური შეხვედრები”ხელს უწყობს კარიერულ განვითარებას, ბიზნესის აზროვნების გაფართოებას და ძლიერი კომუნიტეტის ჩამოყალიბებას ნიუ-იორკში. ეს არის ინიციატივა, რომელსაც დიდი პოტენციალი აქვს გახდეს მუდმივი პლატფორმა პროფესიული ზრდისთვის.
Q: რა გეგმები გაქვთ ამ პროექტში მონაწილეობასთან დაკავშირებით?
ჩემი გეგმებია Style Gatherings NYC • სალონური შეხვედრები”-ს პროექტში მონაწილეობა არა ერთჯერადი გამოსვლით, არამედ გრძელვადიანი თანამშრომლობის ფორმატით. მსურს აქტიურად ჩავერთო ცოდნის გაზიარებაში, განსაკუთრებით ესთეტიკური მედიცინის, კარიერული განვითარებისა და სამედიცინო ბიზნესის მიმართულებით. მომავალში ვხედავ ამ პლატფორმას როგორც სივრცეს, სადაც პროფესიონალებს შეუძლიათ მიიღონ პრაქტიკული გამოცდილება, რეალური რჩევები და მხარდაჭერა. ჩემთვის მნიშვნელოვანია ამ პროექტის განვითარება, რადგან ის ქმნის ძლიერ პროფესიულ კომუნიტეტს და აძლევს ადამიანებს მოტივაციას საკუთარი შესაძლებლობების მაქსიმალურად რეალიზებისთვის
Q: რა გზავნილს მისცემდით “Style Gatherings NYC • სალონური შეხვედრები”-ის სტუმრებს?
Style Gatherings NYC • სალონური შეხვედრები” არის სივრცე, სადაც იდეები ცოცხლდება და ადამიანები ერთმანეთს აძლიერებენ. გამოიყენეთ ეს შეხვედრები არა მხოლოდ მოსასმენად, არამედ საკუთარი თავის გამოსაჩენად, კითხვების დასასმელად და კავშირების შესაქმნელად. არ შეგეშინდეთ საკუთარი ამბის გაზიარების — ყველა პროფესიონალს აქვს უნიკალური გზა და გამოცდილება. ისწავლეთ ერთმანეთისგან, დაინახეთ შესაძლებლობები და გახსოვდეთ, რომ კარიერული და პირადი ზრდა იწყება იმ მომენტიდან, როცა კომფორტის ზონას ტოვებთ. გჯეროდეთ საკუთარი თავის, იყავით გახსნილები ახალი იდეებისთვის და გამოიყენეთ ეს სივრცე როგორც ნაბიჯი თქვენი მომავალი წარმატებისკენ.
